Galicia foi un dos destinos máis demandados do Nadal entre os viaxeiros de tren

Renfe trasladará este fin de semana a unhas 300.000 persoas en total nos seus servizos de AVE, Avlo, Alvia, Euromed, Intercity e Media Distancia na operación retorno de Nadal.

A compañía ofreceu neste Nadal cinco millóns de prazas. Os destinos máis demandados foron Madrid, Barcelona, Galicia, Andalucía e a Costa Mediterránea, detallou Renfe.

Aos servizos AVE, Avlo, Alvia, Euromed e Intercity engadiuse a oferta en trens de servizo público que en traxectos de Media Distancia enlazan e vertebran o resto do territorio. Ademais, os viaxeiros contaron cos servizos de proximidade que permiten desprazarse nas grandes cidades.

Esta oferta do Nadal nos trens de Renfe evitará a circulación de 2,5 millóns de automóbiles, o que supón un aforro de preto de catro millóns de litros de gasolina, e a correspondente redución en emisións de dióxido de carbono (CO2) á atmosfera.

Varios viaxeiros collen a Ave na Estación María Zambrano da capital, no primeiro día da Operación saída Nadal 2022 | Fonte: Álex Zea