Por Europa Press / Redacción | SANTIAGO DE COMPOSTELA | 08/01/2023 | Actualizada ás 13:42
A Asociación Agraria de Galicia (Asaga) anunciou que concorrerá ás eleccións convocadas nos Consellos Reguladores das Denominacións de Orixe e das Indicacións Xeográficas Protexidas de Galicia con candidaturas en 12 dos 15 órganos de goberno que se renovarán no mes de febreiro.
Segundo destacou a Asociación, presentou 100 candidatos nas listas coas que concorre a 26 censos. Unha cifra que significa "un importante aumento respecto dos últimos comicios celebrados en xullo de 2017", nos que se presentou en 17 censos de 9 Consellos.
O presidente de Asaga, Francisco Bello, sinalou que co apoio que esperan obter nestas eleccións, a asociación "continuará sendo un referente dentro do medio rural galego, defendendo os intereses dos gandeiros, agricultores e pemes agroalimentarias" de Galicia.
Así, detallou a Asociación, presentará candidatura nos Consellos Reguladores das Denominacións de Orixe Monterrei, Rías Baixas, Ribeira Sacra, Ribeiro e Valdeorras, no Consello Regulador Agricultura Ecolóxica de Galicia, nas Indicacións Xeográficas Protexidas Carnes de Vacún de Galicia, Castaña de Galicia, Pataca de Galicia e Mel de Galicia, así como nos Consellos Reguladores do queixo Arzúa-Ulloa e Queixo Teto.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.