Pasa a disposición xudicial o detido por pegarlle tres disparos a un mozo en Maceda

Por Europa Press / Redacción | OURENSE | 08/01/2023 | Actualizada ás 14:09

Comparte esta noticia

O home detido por ferir a un mozo de tres disparos o pasado novembro en Maceda pasou a disposición xudicial este domingo ás 12.00 horas, segundo apuntaron fontes da Garda Civil.

A Garda Civil detívoo o xoves, 5 de xaneiro, máis de dous meses despois dun episodio que deixou ferido grave a un mozo nun edificio de Maceda. Considéraselle autor dun delito de homicidio en grao de tentativa. A investigación continúa aberta, aínda que as actuacións foron declaradas secretas.

O suceso tivo lugar o 2 de novembro, sobre as 22.00 horas da noite, nun edificio de rúa Cardenal Quiroga. A vítima recibira tres disparos efectuados por outro home ao que desde entón buscaban as forzas de seguridade.

Nin o portal do inmoble nin o da vivenda do ferido presentaban signos de ser forzados. A vítima, que se dedicaba á gandaría, permaneceu durante días en reanimación no Complexo Hospitalario Universitario de Ourense.

Un coche da Garda Civil aparcado na rúa Cardenal Quiroga de Maceda, onde se produciron os disparos a un veciño
Un coche da Garda Civil aparcado na rúa Cardenal Quiroga de Maceda, onde se produciron os disparos a un veciño | Fonte: Rosa Veiga

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta