Esgotadas as prazas para participar na primeira ruta ornitolóxica do V "Voando nas Rías Baixas"
A actividade no Complexo Intermareal Umia-O Grove estará conducida por dúas experimentadas persoas guías ornitolóxicas de SEO Birdlife Pontevedra.
Por E.P. | SANTIAGO DE COMPOSTELA | 09/01/2023 | Actualizada ás 20:22
As prazas para participar na primeira ruta ornitolóxica do V edición do programa 'Voando nas Rías Baixas', organizado pola Deputación de Pontevedra, xa están esgotadas, segundo informa a institución provincial. A actividade terá lugar no complexo Intermareal Umia-O Grove.
A ruta, gratuíta e organizada en colaboración con SEO Birdlife, desenvolverase o 15 de xaneiro polos concellos do Grove, Sanxenxo,Meaño, Cambados e A Illa de Arousa. Nela, a que as persoas participantes poderán coñecer a riqueza ornitolóxica do lugar e concienciarse sobre a preservación dos espazos naturais protexidos.
A actividade no Complexo Intermareal Umia-O Grove estará conducida por dúas experimentadas persoas guías ornitolóxicas de SEO Birdlife Pontevedra. Da súa man, os participantes descubrirán algunhas das especies que se atopan neste espazo, un dos mellores lugares de Galicia para a observación de aves acuáticas invernantes como as anátidas ou limícolas, que chegan do norte de Europa escapando do frío e da neve.
