Por Europa Press / Redacción | SANTIAGO DE COMPOSTELA | 12/01/2023 | Actualizada ás 17:43
O Diario Oficial de Galicia (DOG) publicou este xoves a resolución pola que se recoñecen os deportistas de alto nivel, alto rendemento e rendemento deportivo de base. Así, Galicia alcanza os 752 deportistas recoñecidos, dos que 643 son de alto nivel.
En total aceptáronse 66 das 72 solicitudes presentadas. Destes, 40 obtiveron o recoñecemento como deportistas de alto nivel, 6 de alto rendemento e 20 de rendemento deportivo de base.
Desta forma, Galicia alcanza os 752 deportistas recoñecidos, dos cales 283 mulleres e 469 homes. En detalle, 643 son de alto nivel (238 mulleres e 405 homes) e 35 de alto rendemento (13 mulleres e 22 homes).
Nesta liña, hai 48 que se clasifican dentro de rendemento deportivo de base (22 mulleres e 22 homes). Ademais, hai catro xuíces, tan só un deles é muller, e sete vitalicios, que se dividen en tres mulleres e catro homes.
A esta lista súmanse doce técnicos (unha muller e 11 homes) e tres árbitros, todos eles homes. Así mesmo, cabe destacar que hai un total de 22 deportistas con diversidade funcional (8 mulleres e 14 homes), a cifra máis alta ata o momento en Galicia.
Deste xeito, entre estes nomeamentos destacan novos deportistas de alto nivel como a atleta Xela Martínez, o triatleta Antonio Serrat, a judoka Laura Vázquez ou o regatista Martín Wizner.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.