Baltar convencido de que a "maquinaria" do PP de Ourense vai obter "uns resultados históricos" o 28M
Avanzou que a porcentaxe de renovación dos candidatos populares sitúase ao redor do 30%
Por Europa Press / Redacción | OURENSE | 12/01/2023 | Actualizada ás 20:34
O presidente provincial do PP de Ourense, Manuel Baltar, presidiu este xoves a primeira Xunta Directiva deste 2023, un ano electoral no que esta formación "ten a maquinaria perfectamente engrasada para obter uns resultados históricos o 28 de maio".
A Xunta Directiva celebrouse na sede provincial do Partido Popular de Ourense, coa presenza, entre outros, do presidente provincial do PP da Coruña, Diego Calvo, e da ourensá Natalia Prieto.
Na súa intervención, Manuel Baltar avanzou que a porcentaxe de renovación dos candidatos populares sitúase ao redor do 30%. "As cabezas de lista iremos facéndoas públicas dunha maneira progresiva, dentro da estratexia do PPdeOU. Serán 92 candidaturas moi potentes, sempre con programas adaptados a cada unha das realidades locais e cun programa electoral provincial, que será o Plan de Mandato da nosa provincia para o próximos catro anos", explicou.
