As Forzas de Seguridade desenvolven unha operación antidroga en Vilanova e en pleno centro de Vilagarcía
Polo momento non hai confirmación de posibles detencións nin incautacións.
Por E.P. | SANTIAGO DE COMPOSTELA | 17/01/2023 | Actualizada ás 11:21
A Garda Civil, en coordinación co Corpo Nacional de Policía e o Servizo de Vixilancia Aduaneira, están a levar a cabo este martes unha operación de loita contra o narcotráfico na comarca de Arousa. Así, desde primeira hora da mañá están a realizarse rexistros en varias vivendas dos municipios de Vilanova e de Vilagarcía de Arousa.
No caso de Vilagarcía, os rexistros están a levarse a cabo en pleno centro urbano, na rúa Santa Eulalia e na praza de Ravella, situada xusto fronte ao Concello. Á vez que levaba a cabo o despregamento policial, no que se utilizaron cans da unidade canina da Garda Civil, un helicóptero sobrevoou durante toda a mañá o centro de Vilagarcía.
Fontes da investigación confirmaron a Europa Press que a operación está en pleno desenvolvemento. Polo momento non hai confirmación de posibles detencións nin incautacións.
