Facenda destaca ante empresarios a "estabilidade" de Galicia con orzamentos en vigor
Por E.P. | SANTIAGO DE COMPOSTELA | 17/01/2023 | Actualizada ás 16:28
O conselleiro de Facenda, Miguel Corgos, destacou, nun almorzo informado con empresarios organizado pola Asociación para o Progreso da Dirección, a "estabilidade" de Galicia con orzamentos en vigor cada ano en tempo e forma.
Neste sentido, destaca que os 12.600 millóns que recollen para este 2023 achegan "certezas" aos axentes económicos e á cidadanía, ademais de reforzar o gasto social e os investimentos.
Así mesmo, Corgos remarca a baixada de impostos para isto ano, de forma que se deflactan con carácter retroactivo a 1 de xaneiro de 2022 os tres primeiros tramos do IRPF e rebáixase o tramo máis baixo. Subliña que cada contribuínte galego pagará 476 euros menos que en 2009.
O conselleiro apunta que os orzamentos recollen máis de 500 millóns de euros adicionais en cinco liñas prioritarias de actuación para apoiar a familias e empresas nunha conxuntura de alza de prezos.
