Sanidade traballa cos colexios farmacéuticos para que a falta de subministración "non sexa un problema para os cidadáns"
"Moitos deles teñen alternativas terapéuticas que as oficinas de farmacia coñecen".
Por E.P. | SANTIAGO DE COMPOSTELA | 06/02/2023 | Actualizada ás 15:16
O conselleiro de Sanidade, Jullo García Comesaña, afirmou que o seu departamento traballa en colaboración cos colexios farmacéuticos para facer un "seguimento das prescricións", co obxectivo de que eventuais faltas de subministración non supoñan "un problema para os cidadáns".
A preguntas dos xornalistas antes de participar nun acto en Santiago, apuntou que "de feito se elaboran recomendacións aos prescriptores daqueles fármacos que poden estar nesa situación de falta de subministración para tentar que se prescriban o menos posible ou se poida corrixir esa prescrición con outros fármacos".
"Hai na Dirección Xeral de Farmacia un seguimento destas faltas de medicamentos para coordinarse cos prescriptores e que isto non sexa un problema para os cidadáns", explicou. Ademais, engadiu que "moitos deles teñen alternativas terapéuticas que as oficinas de farmacia coñecen".
