Por Galicia Confidencial | Cambados | 29/12/2014 | Actualizada ás 14:44
O ex-alcalde de Ribadumia José Ramón Barral enfróntase a un petición de oito anos de cárcere por parte do fiscal de asuntos econḿicos da Provincia de Pontevedra. O ministerio público reclámalle tamén unha indemnización de máis de 458.000 euros e unha multa dun millón de euros.
Nené Barral, o mentor político de Rafael Louzán, presidente da Deputación de Pontevedra, está acusado de ocultar ingresos a Facenda e blanquear capitais a través dunha sociedade nas Illas Virxes.
O blanqueo de capitais tería sido argallado a través das súas fillas, que figuraban como titulares da empresa no paraíso fiscal, e dun cidadán chinés, que actuou como testaferro e que acabou confesando e aportando documentación sobre as transferencias ante o xulgado de Cambados. O fiscal sospeita que a orixe dos máis de dous millóns sacados por Barral do país é o contrabando.
Barral foi quen meteu en política e favoreceu os primeiros pasos no PP de Rafael Louzán, que empezou como concelleiro en Ribadumia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.