Incautan 900 litros de gasóleo tipo B en Val do Dubra
Depositouse nas instalacións da empresa a disposición da Dependencia Rexional de Aduanas e Impostos Especiais.
Por E.P. | SANTIAGO DE COMPOSTELA | 11/02/2023 | Actualizada ás 13:38
A Patrulla Fiscal e de Fronteiras da Garda Civil de Noia incautou 900 litros de gasóleo tipo B no termo municipal de Val do Dubra. Os feitos ocorreron por mor da localización dun vehículoindustrial facendo uso fraudulento de gasóleo bonificado durante uncontrol de carburantes no termo municipal de Santiago deCompostela.
Ante a sospeita de que outros vehículos da empresa usasen fraudulentamente o mesmo tipo de carburante, os compoñentes da Unidade procederon á inspección das instalacións da empresa titular do vehículo.
No transcurso da mesma, localizaron outro vehículo industrial con este tipo de gasóleo no seu depósito e un depósito con 1.000 litros de capacidade, que contiña 900 litros gasóleo bonificado.
A Garda Civil procedeu ao precinto do depósito atopado, a laincautación do gasóleo tipo B e á confección de tres actas-denunciapor supostas infraccións á Lei 38/1992 de Impostos Especiais. O gasóleo incautado depositouse nas instalacións da empresa a disposición da Dependencia Rexional de Aduanas e Impostos Especiais.
