Máis de 5.500 empresas galegas benefícianse dos fondos do Plan de Recuperación

O Plan de Recuperación, Transformación e Resiliencia do Goberno favoreceu a máis de 5.500 empresas de Galicia a través de "axudas e subvencións directas, por concorrencia ou a través de financiamento", así como coas distintas convocatorias de axudas e liñas de crédito en condicións vantaxosas.

Así o manifestou o delegado do Goberno en Galicia, José Miñones, durante a súa visita á sede da compañía tecnolóxica Trison, situada no municipio coruñés de Sada. "Somos aliados do sector empresarial, entendemos a importancia de apoiar ás nosas empresas para xerar actividade económica, crear emprego e riqueza en Galicia", sinalou o delegado.

O delegado do Goberno en Galicia, José Miñones, durante a súa visita á sede da compañía tecnolóxica Trison | Fonte: Europa Press