Feridos dous menores que foron atropelados por unha furgoneta en Burela
Os dous estaban conscientes, pero uno deles presentaba unha ferida na cabeza
Por Europa Press / Redacción | Lugo | 23/02/2023 | Actualizada ás 11:40
Dous menores resultaron feridos na mañá deste xoves tras ser atropelados na localidade lucense de Burela por unha furgoneta. Tal como informaron fontes do 112 Galicia a Europa Press, os feitos ocorreron pouco antes das 09,00 horas e foi un particular o que alertou do sucedido aos servizos de emerxencias. Tamén o propio condutor do vehículo chamou para avisar do accidente.
En concreto, ambos indicaron que se produciu un atropelo na rúa Arcadio Pardiñas de Burela, no cal dous menores resultaran feridos. Os dous estaban conscientes, pero uno deles presentaba unha ferida na cabeza. Por iso, deuse aviso aos servizos de urxencias sanitarias e á Policía Local, que se desprazou tamén ao momento.
