A economía galega estáncase e crece por baixo da media de España e Portugal
O IGE cifra no 3,8% o crecemento do PIB galego en 2022, case dous puntos menos que a media do Estado.
Por Europa Press / Redacción | SANTIAGO DE COMPOSTELA | 24/02/2023 | Actualizada ás 11:59
O Produto Interior Bruto (PIB) de Galicia creceu un 3,8% en 2022 en comparación con 2021, segundo os datos publicados polo Instituto Galego de Estatística (IGE) este venres. Esta cifra supón case dous puntos menos que o 5,5% de crecemento de media da economía española en 2022, segundo os datos avanzados o pasado polo Instituto Nacional de Estatística (INE).
Con base nos datos do IGE, obsérvase un ralentizamiento da economía galega na parte final do ano, cunha alza interanual do 2,2% no cuarto trimestre, menos que o 2,7% do terceiro trimestre e lonxe do ritmo de avance por encima do 5% do primeiro semestre.
Recentemente, o Foro Económico de Galicia xa avisara dunha "acusada" desaceleración da economía galega no terceiro trimestre de 2022, pois crecía "moi por baixo" de España e Portugal, de forma que se está "desaxustando" do ritmo de avance estatal.
E é que o último trimestre do ano obsérvanse caídas interanuais en cuestións como gastos dos fogares ou das administracións públicas. No tocante ao emprego, prodúcese un aumento do 2,2% en 2022 de postos de traballo equivalentes a tempo completo. Hai alzas en todos os sectores salvo o primario (-0,6%): construción (2,9%), servizos (2,5%) e industria (1,5%).
