Os trens de Renfe sufriron 79 actos de vandalismo grafiteiro en 2022 en Galicia
O custo directo por estas accións é de case 265.000 euros
Por Europa Press / Redacción | Galicia | 27/02/2023 | Actualizada ás 16:27
O vandalismo grafiteiro sobre os trens de Renfe xerou un custo de 25 millóns de euros en todo o Estado durante o ano pasado. En Galicia rexistráronse un total de 79 actos vandálicos, cun custo directo de case 265.000 euros.
Segundo informa Renfe, ademais dos gastos da propia limpeza de trens súmanse os indirectos que se derivan desta secuela, como son o investimento en seguridade, tanto de persoal como doutros sistemas de videovixilancia, como a futura implementación de drones.
As persoas usuarias, recalca, sofren directamente os trens vandalizados con pintadas. Atrasos e trens suprimidos por carencia de visibilidade ou grafitis nos elementos de seguridade que impiden a circulación, freadas de emerxencia para pintar no medio dun traxecto ou o cheiro deste produto químico é moi molesto para os viaxeiros, entre outros.
Durante o ano pasado, os vándalos pintaron preto de 80.000 metros cadrados de superficie en trens, dos cales 1.114 metros cadrados fixéronse en Galicia. A retirada de grafitis obriga a mobilizar os trens cara aos centros de limpeza.
