Concellos da provincia da Coruña reciben formación para facer fronte aos ciberataques
Formaranse para proporcionar ao sector público un marco de acción común para facer fronte ás ciberameazas.
Por E.P. | SANTIAGO DE COMPOSTELA | 28/02/2023 | Actualizada ás 12:15
A Deputación da Coruña e o Centro Criptolóxico Nacional están a proporcionar formación a concellos da provincia para facer fronte aos ciberataques. Segundo sinalou a institución nun comunicado, o obxectivo do curso é a capacitación dos asistentes para a adopción do Esquema Nacional de Seguridade como ferramenta facilitadora da seguridade dos seus sistemas informáticos.
Este curso está composto de tres xornadas de formación na que técnicos dos concellos da provincia formaranse para proporcionar ao sector público un marco de acción común para facer fronte ás ciberameazas.
Deste xeito, os contidos están completamente aliñados coa estratexia que a Deputación da Coruña está a pór en marcha para impulsar na provincia, de maneira conxunta e unificada, un Plan de Adecuación ao Esquema Nacional de Seguridade e ao marco normativo para os concellos de menos de 20.000 habitantes.
