O prezo da vivenda usada sobe un 3% en febreiro
Por E.P. | SANTIAGO DE COMPOSTELA | 07/03/2023 | Actualizada ás 11:35
O prezo do metro cadrado da vivenda usada situouse nos 1.326 euros en febreiro en Galicia, o que supón un 2,92% máis que no mesmo mes de 2022, segundo o informe mensual de prezos de venda de pisos.com.
Desta maneira, o custo medio subiu en Gaoicia case tres puntos menos que a media estatal, xa que no total de España incrementouse un 5,82%, ata os 1.996 euros o metro cadrado. Por provincias, na Coruña o prezo medio en febreiro foi de 1.373 euros, un 2,38% máis, mentres que en Lugo quedou nos 924 euros, un 6,20% máis.
Ourense reduciu o prezo da vivenda usada un 1,72% en febreiro, ata os 916 euros o metro cadrado, mentres que en Pontevedra incrementouse un 3,57%, ata 1.560 euros, sendo esta a provincia máis cara de Galicia. Na variación mensual, o custo do metro cadrado baixou un 0,18% no total da Comunidade, en comparación con xaneiro.
