A mineira de Touro novamente condenada por "tentar impedir o acceso a información ambiental"

Ecoloxistas en Acción asegura que a filial de Atalaya Mining foi condenada ao pago de 3.000 euros de costas.

Por Galicia Confidencial | Touro | 14/03/2023 | Actualizada ás 11:23

Comparte esta noticia

O Tribunal Superior de Xustiza de Galicia ven de darlle a razón a Ecoloxistas en Acción, logo de que a filial de Atalaya Mining presentara unha demanda para tentar impedir que este colectivo tivese acceso a información ambiental relativa á concesión mineira.

Mina de Touro
Mina de Touro | Fonte: Ecoloxistas en Acción

O caso remóntase a 2021, cando a organización ecoloxista solicitara á Xunta copia dos plans anuais de labores e do proxecto de restauración da mina, así como de varios informes de inspección e de expedientes sancionadores contra a empresa. Aínda que a Xunta concedeu o acceso á información, a sucesión de recursos e demandas presentadas pola empresa buscaba demorar que este se fixese efectivo, retrasándoo de feito máis de dous anos.

Xa naquel momento, Cobre San Rafael presentara recurso administrativo acusando a Ecoloxistas en Acción de ter “intencións espurias” por utilizar a información da Xunta para unha "manipulación intencionadamente terxiversada e infundada do seu contido”. O Tribunal rexeitou de plano as pretensións da empresa, condenándoa a pagar 3.000 euros en costas.

En realidade, a información resulta chave para evidenciar os numerosos incumprimentos por parte da empresa, que veñen causando un impacto ambiental severo por contaminación con metais pesados dos cauces fluviais contiguos á zona mineira e, por extensión, do río Ulla no que conflúen.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta