Investigan unha posible chantaxe sexual a un home de Maceda
O home recibira numerosas chamadas e mensaxes e, dixo, temía pola súa integridade física.
Por Europa Press / Redacción | OURENSE | 14/03/2023 | Actualizada ás 16:17
Axentes da Garda Civil de Ourense investiga a unha persoa, natural de Valencia, por unha suposta chantaxe sexual a un veciño da localidade ourensá de Maceda.
A investigación comezou por mor dunha denuncia interposta no cuarte da Garda Civil, na que o prexudicado informaba de que recibira chamadas e mensaxes ameazantes a través dunha rede social procedentes de varias liñas de telefonía móbil.
Tras non acudir a unha cita concertada, o home recibira numerosas chamadas e mensaxes e, dixo, temía pola súa integridade física, polo que realizou varias transferencias por un importe total de 700 euros.
Das actuacións seguidas derivouse a investigación como suposto autor dun delito de coaccións (sextorsión) a J.E.M., de 52 anos, veciño de Valencia, ao que xa lle constan antecedentes por feitos de índole similar. As dilixencias foron remitas ao Xulgado de Instrución de Garda dos de Ourense.
