Piden a "paralización inmediata" do parque eólico de Moraña pola "grave alteración hidrolóxica"

Colectivos solicitan "medidas cautelares urxentes" pola afección ao humedal de Brañas de Amil e a súa biodiversidade

Por Galicia Confidencial | Pontevedra | 17/03/2023 | Actualizada ás 15:12

Comparte esta noticia

A Plataforma Amil Sen Eólicos, Asociación Ecoloxistas en Acción de Galiza e Asociación Petón do Lobo veñen de solicitar a paralización inmediata das obras do parque eólico Acibal de Moraña. Fánno para demandar "medidas cautelares urxentes" ante a presenza de informes técnicos que apuntan a unha "grave alteración hidrolóxica" do humedal de Brañas de Amil así como dos manantiais de agua potable "Caldas-O Salnés" pola cimentación para instalar os aeroxeradores. 

Veciños de Amil, en Moraña, asisten ao pleno que votou en contra do parque eólico previsto nesta parroquia
Veciños de Amil, en Moraña, asisten ao pleno que votou en contra do parque eólico previsto nesta parroquia | Fonte: Remitida

 

Os tres colectivos piden que se delimite o humedal con criterios hidrolóxicos e bótanicos, tendo en conta a identificación de hábitats. "De non facelo e comezar as obras, haberá unha alteración importante do ecosistema", sinalan desde as asociacións, á vez que cualifican a circustancia como "indamisible". Así, alertan da modificación da conectividade dos cursos de auga subterráneos e superficiais.

 

Tal e como indican os datos do catastro, a delimitación das superficies inundables cocincide coas parcelas previstas para a instalación industrial. "Os prexuízos serán severos e irreversibles para o humedal, perdendo gran parte da súa biodiversidade", manifestan, e poñen por exemplo especies en perigo de extinción como a Macromia Splendens, un tipo de libélula.

 

Así, as asociacións requiren á Dirección Xeral de Planificación enerxética e recursos naturais da Xunta de Galicia, a Augas de Galicia, á Dirección Xeral de Patrimonio Natural da Xunta de Galicia e ao Concello de Moraña a paralización cautelar indicada en base ao principio de precaución en materia ambiental.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta