Alfonso Rueda, o primeiro presidente autonómico recibido por Ursula Von der Leyen
Entre os temas a tratar, o futuro da pesca.
Por Europa Press / Redacción | SANTIAGO DE COMPOSTELA | 19/03/2023 | Actualizada ás 12:16
A presidenta da Comisión Europea, Ursula Von der Leyen, recibirá ao presidente da Xunta, Alfonso Rueda, para abordar asuntos prioritarios para o presente e o futuro de Galicia. O encontro terá lugar na sede da Comisión Europea, en Bruxelas, o próximo 27 de marzo.
Segundo destacou o Goberno galego, Rueda será o primeiro presidente dunha Comunidade autónoma española que manteña un encontro institucional coa máxima representante dunha das principais institucións da Unión Europea.
Así mesmo, detallou que entre os asuntos que Rueda trasladaralle a Von der Leyen figuran nun lugar preferente o futuro da pesca galega e a xestión dos fondos europeos, entre outras cuestións nas que a Comisión Europea disporá de primeira man do posicionamento da Xunta.
