"O principio do fin" da sanidade pública galega

A Asociación Batas Brancas denuncia que durante os últimos doce anos o Goberno galego foi tomando decisións que conduciron “á situación actual de profunda e grave crise na que está inmersa a sanidade pública galega” e que supoñen “o principio do fin do sistema sanitario”

Entre as que destacan están: a concentración do territorio en sete grandes áreas sanitarias; a creación dun único directivo con capacidade “absoluta” de mando en toda a área, o que provoca a “politización” dos equipos directivos; a aposta pola privatización e a “política de actitude agresiva, de censura e veto e un mandar sen escoitar cara todos os traballadores da sanidade pública”.

Denuncian que “non os trataron ben”, con “contratos lixo” e “unha cultura laboral practicamente nula cunha falta de seguridade psicolóxica” que tivo como consecuencia que moitos profesionais decidiran marchar a outros lugar, un aumento do absentismo e o Síndrome de Borunout nos que seguen traballando.

Polo tanto, indican que ca situación actual “non só chega” con mellorar as condicións laborais e económicas e que os “parches” que se están implantando agora “non son suficientes”. “Fai falta moito máis”, reivindican.