BNG e CUP piden que Ribera e Planas expoñan os seus plans para implantar polígonos de eólica mariña

Solicitan que comparezan no Congreso para "render contas" pola aprobación dos POEM

Por E.P. | Galicia | 23/03/2023 | Actualizada ás 11:24

Comparte esta noticia

O Bloque Nacionalista Galego (BNG) e a CUP aliáronse no Congreso para solicitar que a vicepresidenta terceira e ministra de Transición Ecolóxica, Teresa Ribera, e o titular de Agricultura, Pesca e Alimentación, Luis Planas, expliquen ante o Pleno do Congreso os seus plans en relación coa implantación de polígonos de eólica mariña.

Para solicitar a comparecencia dun membro do Goberno ante o Pleno requírese un mínimo de deputados ou a firma de dous grupos parlamentarios. Neste caso o BNG, que está no Grupo Plural, atopou apoio nos anticapitalistas da CUP, integrada no Grupo Mixto.

En concreto, solicitan que Ribera e Planas comparezan no hemiciclo para render contas pola aprobación en Consello de Ministros dos Plans de Ordenación do Espazo Mariño (POEM) que, segundo denuncian, autorizan a implantación de polígonos de eólica mariña "sen atender ás demandas dos principais sectores afectados, como o pesqueiro, e sen contar cos informes necesarios sobre o impacto socioeconómico nin ambiental".

A vicepresidenta terceira e ministra para a Transición Ecolóxica e Reto Democrático, Teresa Ribera, intervén nunha sesión plenaria no Congreso dos Deputados
A vicepresidenta terceira e ministra para a Transición Ecolóxica e Reto Democrático, Teresa Ribera, intervén nunha sesión plenaria no Congreso dos Deputados | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta