Por Europa Press / Redacción | Galicia | 23/03/2023 | Actualizada ás 16:48
O hospital veterinario universitario Rof Codina publicou un artigo na revista 'Animals' que relaciona os trastornos de hiperactividade, falta de atención, agresividade en cans coa presenza de baixos niveis de serotonina e dopamina en sangue.
Esta investigación foi realizada polos investigadores do Campus Terra da Universidade de Santiago de Compostela (USC) Ángela González Martínez, Susana Muñíz de Miguel e o profesor da área de Produción Animal, Francisco Javier Diéguez.
Segundo trasladou a USC nun comunicado, o artigo corrobora que este tipo de problemas de comportamento advertidos nas mascotas caninas "gardan unha estreita relación con trastornos de desenvolvemento neurolóxicos advertidos en humanos".
Desta forma, as análises de sangue, realizadas a preto de 60 cans con sinais semellantes ás presentadas por humanos con TDAH, revelaron un baixo nivel de concentración en sangue de dopamina e serotonina.
A investigadora González-Martínez explicou que os resultados foron completados con outras observacións físicas, o que permitiu establecer ese vínculo directo entre os baixos niveis de concentración de serotonina e dopamina en sangue e comportamentos hiperactivos ou agresividade.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.