Máis de 300.000 euros do EuroMillones para un único acertante en Lalín
Concretamente, segundo informou Lotarías do Estado, o boleto selouse na Administración de Lotarías Nº 2 de Lalín, situada en Praza A Mariña, 6.
Por Europa Press / Redacción | SANTIAGO DE COMPOSTELA | 08/04/2023 | Actualizada ás 17:50
O sorteo de EuroMillones celebrado este venres deixou un premio de máis de 350.000 euros para un único acertante cun boleto vendido nunha administración do municipio pontevedrés de Lalín.
Concretamente, segundo informou Lotarías do Estado, o boleto selouse na Administración de Lotarías Nº 2 de Lalín, situada en Praza A Mariña, 6.
O día anterior, este xoves, outro sorteo recaía en Galicia. O da primitiva deixaba un premio de 13 millóns de euros para un único acertante no municipio ourensán de Pereiro de Aguiar.
O único boleto acertante de Categoría Especial (seis acertos + Reintegro), co premio acumulado de Primeira Categoría (seis acertos) cobrará a cantidade de 13.094.345,79 euros (sen a retención de Facenda).
O afortunado fíxose co boleto 43 39 22 15 11 9, co reintegro 34, que foi validado no Despacho Receptor Nº 55.090 do municipio, situado en Polígono Empresarial Pereiro de Aguiar, na parcela 12.
