Investigan os restos óseos humanos "moi vellos" atopados en Pereiro de Aguiar

Apareceron preto da N-120 por unha persoa que estaba dando un paseo.

Por Europa Press / Redacción | OURENSE | 11/04/2023 | Actualizada ás 10:00

Comparte esta noticia

A Garda Civil e o xulgado de Ourense iniciaron dilixencias para esclarecer a orixe de varios restos óseos humanos atopados o pasado domingo preto da estrada N-120 en Pereiro de Aguiar.

Segundo informaron fontes da Comandancia, os ósos foron atopados por unha persoa que estaba a dar un paseo pola zona e que alertou á Garda Civil. Unha dotación desprazouse ao lugar, á altura dos quilómetros 557 da N-120, para acordoar a zona, e deu aviso á autoridade xudicial.

Unha vez feito o levantamento dos restos, que están moi deteriorados e "parecen antigos", os ósos foron trasladado á unidade de antropoloxía forense do Imelga en Verín para a súa análise.

Polo momento descoñécese a orixe deses restos humanos, aínda que fontes da investigación apuntaron que "hai un encoro preto" e tamén "un cemiterio", e reiteraron que os ósos, en aparencia, "son moi vellos".

Unha investigación da Garda Civil
Unha investigación da Garda Civil | Fonte: GARDA CIVIL

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta