Facenda devolveu 3,9 millóns de euros a máis de 8.600 contribuíntes galegos en tres días de campaña do IRPF
Por E.P. | SANTIAGO DE COMPOSTELA | 13/04/2023 | Actualizada ás 18:57
Facenda ingresou 3,9 millóns de euros a un total de 8.636 contribuíntes galegos no tres primeiros días da campaña da Declaración da Renda de 2023, correspondente ao exercicio de 2022.
Estas cifras, a data de 13 de abril, son un 16,25% máis de diñeiro ingresado en relación ao ano anterior a un 22,85% máis de contribuíntes, fronte ás cifras de 2022 (correspondentes ao 8 de abril do ano anterior).
En total, en Galicia presentáronse xa 98.498 declaracións do IRPF, un 27,52% máis que no mesmo período de 2022, segundo os datos facilitados pola Delegación. Delas, 6.408 son para ingresar diñeiro, un 12,45% menos que no mesmo período do ano anterior. Concretamente, deben ingresar 4,2 millóns de euros, un 9% máis.
