Buscan ao condutor e ocupantes dun vehículo que se precipitou por un terraplén en Betanzos

Os bombeiros de Betanzos buscan ao condutor e posibles ocupantes dun coche que se precipitou este domingo por un terraplén no municipio coruñés de Betanzos.

Segundo informou o 112, o coche saíu da vía no quilómetro 1 da AC-840, en Requián, na curva do Louriño, coñecida na zona pola súa alta sinistralidade.

Os Bombeiros de Betanzos comunicaban que o coche caera por un importante terraplén, preto dun río, e procederon a balizar o punto da estrada no que se produciu o accidente.

Para este operativo, os xestores do 112 informaron, ademais dos Bombeiros de Betanzos, aos servizos sanitarios, á Garda Civil de Tráfico, á Policía Local, aos voluntarios de Protección Civil do municipio e aos operarios de conservación das estradas.

Foi un particular o que deu aviso ao 112, ás 10:15 horas, do ocorrido, e indicaba tamén que o condutor ao que seguen buscando, atopábase ben.

Unha investigación da Garda Civil | Fonte: GARDA CIVIL