As contas de Abanca recollen perdas por 60,5 millóns de Nova Pescanova
En xuño de 2021, a entidade financeira adquiriu un paquete de accións do 0,28% de participación da sociedade e pasou a controlar o 97,76% de Nova Pescanova.
Por Europa Press / Redacción | SANTIAGO DE COMPOSTELA | 18/04/2023 | Actualizada ás 15:09
As contas de Abanca recollen un resultado do exercicio de Nova Pescanova a peche de 2022 con perdas por valor de case 60,5 millóns de euros. En calquera caso, esta cifra correspóndese co nove primeiros meses do exercicio fiscal da compañía, posto que este vai de marzo a marzo.
Abanca remitiu este luns á Comisión Nacional do Mercado de Valores (CNMV) as súas contas anuais consolidadas auditadas correspondentes ao exercicio 2022.En xuño de 2021, a entidade financeira adquiriu un paquete de accións do 0,28% de participación da sociedade e pasou a controlar o 97,76% de Nova Pescanova.
Na data de formulación destas contas, indica que se atopa nun proceso "activo" de negociación para a entrada dun novo socio. Fai cinco días, o banco confirmou que chegou a un acordo para entrar nunha fase de negociacións exclusivas co grupo canadense Cooke para a venda do 80% da participación total do banco en Nova Pescanova.
