A Deputación de Pontevedra aproba novos investimentos que suman un total de 2,5 millóns de euros
Por E.P. | VIGO | 21/04/2023 | Actualizada ás 13:05
A Deputación de Pontevedra aprobou este venres investimentos que suman un total de 2,5 millóns de euros en novos recursos en materia de infraestruturas, cooperación e fondos europeos.
A presidenta da Deputación, Carmela Silva, compareceu en rolda de prensa para dar conta de todas estas cuestións aprobadas na xunta de goberno coas que se pretende "garantir dereitos e servizos" nos concellos da provincia. Carmela Silva detallou que 502.000 euros distribúense en axudas do Plan Concellos para Campo Lameiro, Cerdedo-Cotobade, Redondela e Vilagarcía.
Outros 630.000 euros serán para a humanización da Avenida Sarmiento Rivera na estrada provincial EP-4006 en Ponteareas. A presidenta provincial destacou "dúas importantes noticias relacionadas cos fondos europeos" ao recibir a Deputación de Pontevedra novas axudas xestionadas polo Instituto para a Diversificación e Aforro da Enerxía (IDAE) de España.
Esta entidade pública empresarial, adscrita ao Ministerio para a Transición Ecolóxica, concedeu 693.875 euros á Deputación para a mellora da seguridade na estrada de Almofrei, a EP-0405, en Cerdedo-Cotobade, e outros 541.907 euros para mellorar a mobilidade peonil no segundo tramo da EP-3303 Tabagón-Goián, no Concello do Rosal e Tomiño. Estes novos fondos europeos permitirán que a Deputación aforre preto de 500.000 euros, Cerdedo-Cotobade máis de 200.000 e O Rosal 100.000 euros.
PONTE DE PONTE ARNELAS
Nesta mesma comparecencia de prensa a presidenta da Deputación de Pontevedra anunciou a reapertura este mesmo venres da estrada EP-9511 Cabanelas-Ponte Arnelas, que discorre por baixo dun dos tramos da ponte de Santa Marta en Ponte Arnelas, despois da avaliación técnica que confirmou a súa seguridade ao no pasar baixo a zona que colapsou pola rotura de varias péndolas de suxeición do taboleiro.
