Por E.P. | SANTIAGO DE COMPOSTELA | 27/04/2023 | Actualizada ás 18:21
A Real Academia Galega premiará os proxectos escolares realizados sobre a figura de Francisco Fernández del Riego, autor ao que a institución lle dedica este ano o Día das Letras Galegas, 17 de maio, no marco da sétima edición de 'Contádenos o voso Día das Letras'.
Segundo explican nun comunicado, o concurso estará aberto ata o próximo 7 de maio para os centros de ensino que impartan infantil e primaria e do alumnado con necesidades especiais de apoio educativo. As bases poden consultarse en primaveradasletras.gal, a páxina web da RAG dirixida ao público máis novo na que se encadra esta iniciativa.
Primavera das Letras ofrece desde 2016, co apoio da Deputación da Coruña, "unha xanela dixital desde a que o profesorado e as familias poden acceder a recursos lúdicos e didácticos para achegar aos mozos á figura que cada ano protagoniza o Día dás Letras Galegas".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.