Defensa recruta en Galicia a 173 aspirantes para unha "profesión de futuro"
Irán á escala de tropa e mariñeiría.
Por Europa Press / Redacción | SANTIAGO DE COMPOSTELA | 28/04/2023 | Actualizada ás 14:04
O Ministerio de Defensa recrutou en Galicia a un total de 173 aspirantes para a escala de tropa e mariñeiría das Forzas Armadas no primeiro ciclo do proceso selectivo para 2023.
Nun comunicado, Defensa explica que, para este primeiro ciclo, recibíronse no Centro de Selección da Subdelegación deDefensa na provincia da Coruña 284 solicitudes (216 homes e 68 mulleres). Do total, 92 novos aspirantes obtiveron praza.
Así mesmo, foron aceptados un total de 6 aspirantes procedentes da provincia de Lugo, o que fai un total de 98 seleccionados (83 homes e 15 mulleres). Deles, 35 irán a unidades do Exército de Terra, 52 á Armada e 11 ao Exército do Aire.
O Ministerio de Defensa destacou que as Forzas Armadas "proporcionan unha profesión de futuro", na que se poden continuar os estudos e tense a posibilidade de proxección, tendo en conta que sereservan moitas prazas para promoción interna. A Subdelegación de Defensa en Coruña destaca que seguirá a disposición dos diferentes centros educativos da provincia para informarlles sobre a profesión militar e os diferentes procedementos de ingreso nas Forzas Armadas.
