A Xunta e empresarios avalían o impacto da transición ecolóxica no novo modelo industrial

Francisco Conde subliñou que a Xunta aposta por un modelo de transición enerxética ordenada, garantista, sustentable e respectuosa co medio ambiente

Por E.P. | SANTIAGO DE COMPOSTELA | 03/05/2023 | Actualizada ás 19:43

Comparte esta noticia

O vicepresidente primeiro da Xunta e conselleiro de Economía, Francisco Conde, mantivo este mércores unha reunión coa comisión de enerxía da Confederación de Empresarios de Galicia (CEG), na que fixo fincapé nas oportunidades que achega a transición ecolóxica para a implantación dun novo modelo industrial.

O responsable de Economía, Industria e Innovación resaltou que, a través da Axenda Enerxética de Galicia, a comunidade busca avanzar cara a un modelo sustentable e un novo mix enerxético con novas tecnoloxías, como poden ser o hidróxeno verde, os gases renovables e a economía circular, os biocombustibles, o almacenamento enerxético ou a eólica mariña.

Do mesmo xeito, Conde subliñou que a Xunta aposta por un modelo de transición enerxética ordenada, garantista, sustentable e respectuosa co medio ambiente, que permita achegar a familias, pemes e industria un prezo competitivo.

O vicepresidente primeiro e conselleiro de Economía, Industria e Innovación, Francisco Conde, comparece en rolda de prensa tras o Consello da Xunta. XOÁN CRESPO
O vicepresidente primeiro e conselleiro de Economía, Industria e Innovación, Francisco Conde, comparece en rolda de prensa tras o Consello da Xunta. XOÁN CRESPO | Fonte: XUNTA

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta