Galicia, única comunidade autónoma xunto con Madrid que prohibe o uso de teléfonos móbiles nos colexios
No resto das comunidades autónomas, o Executivo explica que é o centro o que "ten a capacidade de decisión dentro do marco da súa autonomía organizativa, pedagóxica e de xestión".
Por E.P. | MADRID | 07/05/2023 | Actualizada ás 12:31
A Comunidade de Madrid e Galicia son as únicas comunidades autónomas españolas que prohiben o uso de teléfonos móbiles como mecanismo de comunicación nos colexios durante os períodos lectivos, mentres que no resto de rexións son os centros os que limitan o seu uso.
Así o manifestou o Goberno nun documento, recollido por Europa Press, rexistrado no Congreso dos Deputados tras ser preguntado polo Grupo Vox sobre se ten a intención de promover algunha iniciativa para que, de maneira unificada en todo o territorio español, "se limite o uso de dispositivos móbiles nos centros educativos".
En concreto, Galicia prohibiu no ano 2015 o uso de móbiles nos centros educativos, mentres que a Comunidade de Madrid prohibiuno en 2020. No resto das comunidades autónomas, o Executivo explica que é o centro o que "ten a capacidade de decisión dentro do marco da súa autonomía organizativa, pedagóxica e de xestión".
Doutra banda, informaque o Ministerio de Educación e Formación Profesional, a través das actuacións do Instituto Nacional de Tecnoloxías e Formación do Profesorado (INTEF) en coordinación coa Axencia Española de Protección de Datos (AEPD), o Instituto Nacional de Ciberseguridade de España (INCIBE) e en colaboración coas administracións educativas das comunidades autónomas, "desenvolve accións de apoio e orientación a docentes, familias e o propio alumnado no uso dos recursos tecnolóxicos".
