Cando serán os exames de oposición da Xunta?

A Xunta deu a coñecer este mércores o calendario dos exames de oposición para máis de 1.500 prazas ás que aspiran case 69.000 persoas. Os 24 exames das ofertas de emprego público para a Administración autonómica arrincarán o próximo 10 de xuño e estenderanse ata o 9 de xullo.

A elas súmanse os procesos de estabilización que se desenvolverán entre setembro e marzo de 2024. Repartiranse da seguinte forma: cinco en setembro, once en outubro, cinco en novembro, dous en decembro, 25 en xaneiro, 12 en febreiro e un en marzo.

A rolda de exames quedará aberta en xuño cos exames para 218 prazas que se desenvolverán todos en Santiago de Compostela. En xullo será a quenda dos procesos para os corpos e escalas da administración xeral, que terán lugar entre o recinto feiral de Silleda (Pontevedra) e a Facultade de Dereito da capital galega.

Accede aquí ao calendario completo.