O PP quere estender a Galicia a gratuidade das Proximidades de Asturias e Cantabria polo erro dos trens

O PP rexistrou no Congreso unha iniciativa coa que pretende forzar ao Goberno a estender tamén a Galicia a gratuidade de Renfe Proximidades que hai actualmente en Asturias e Cantabria ata 2026 como compensación polo erro dos trens.

Os de Alberto Núñez Feijóo consideran necesario "corrixir o agravio" e estender a achega económica actual para a gratuidade dos trens de ancho métrico a Galicia, como anunciou o 20 de febreiro a ministra de Transportes, Raquel Sánchez, tras reunirse cos presidentes de Asturias e Cantabria, Adrián Barbón e Miguel Ángel Revilla, respectivamente.

"Causou gran malestar en Galicia o feito de que non fose convocada á devandita reunión do pasado 20 de febreiro e a súa exclusión do acordo de extensión da gratuidade aludida", lese na proposición non de lei do PP, á que tivo acceso Europa Press.

Neste sentido, os 'populares' tamén esixiron que se aprobe en tres meses un plan de actuación para mellorar a calidade do servizo ferroviario entre as localidades de Ferrol e Ribadeo, onde as vías son causantes da maioría das incidencias e "precisa ser modernizadas".

Tren de Renfe aproximandose polas vías a unha estación | Fonte: FEVE