O 30% das empresas tecnolóxicas galegas empregou xa a intelixancia artificial en 2022

Creou en Galicia un 5,1% máis de postos de traballo ata os 21.800, segundo a Xunta.

Por Europa Press / Redacción | SANTIAGO DE COMPOSTELA | 13/05/2023 | Actualizada ás 12:53

Comparte esta noticia

O sector tecnolóxico de Galicia creou o pasado ano 1.063 postos de traballo, un 5,1% máis que o pasado ano ata alcanzar os 21.800 empregados, segundo destacou a Xunta este sábado. As cifras trasladadas polo Goberno autonómico nun comunicado sinala que o sector vinculado ás tecnoloxías suma 3.000 empresas, o que representa o 4,5% do total do Estado.

O informe 'Empresas TIC sobre a Sociedade da Información en Galicia. Edición 2022' tamén sinala que o valor engadido bruto do sector é de 1.740 millóns de euros, o 2,97% do PIB total de Galicia. En canto a actividades, o 40% das empresas TIC levou a cabo tarefas de I+D+i no período 2019-2021, case un 33% máis que no anterior período analizado. Destas, o 76% obtivo "resultados comercializables".

O documento recolle que en 2022 o 34,8 % das empresas tecnolóxicas galegas impartiu formación en tecnoloxías da información e comunicación aos seus persoais, especialmente nas áreas de ciberseguridade e programación.

USO TECNOLOXÍAS

Xornalista traballando nun ordenador
Xornalista traballando nun ordenador | Fonte: computador.es - EUROPA PRESS

Así, case un terzo das empresas galegas empregaron o pasado ano a intelixencia artificial, cuxo uso se incrementou un 30% respecto de 2021. Con todo, a Internet das Cousas segue estando á cabeza entre as tecnoloxías disruptivas máis usadas (36,5%), seguida polo 'Big data' (31,9%), o Business Intelligence (29,9%) e os Chatbots (32,2%).

CONECTIVIDADE

O 72,6% das compañías ten contratada fibra óptima mentres que o 83,4% dispón dunha velocidade de conexión igual ou superior a 100 mbps. Así mesmo, o 74,9 % das empresas TIC fixeron compras de bens ou servizos na rede en 2022, mentres que o 26,9 % vende a través da rede.

25% SUFRIU CIBERATAQUES

Doutra banda, unha de cada catro empresas galegas dedicadas ao TIC recoñece sufrir ciberataques en 2022. Os intentos de estafa e os ataques de virus foron os incidentes máis frecuentes entre as empresas que tiveron problemas coa ciberseguridade.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta