Dúas persoas mortas nas estradas galegas esta fin de semana

Houbo 53 persoas feridas en 42 accidentes de tráfico.

Por Europa Press / Redacción | SANTIAGO DE COMPOSTELA | 15/05/2023 | Actualizada ás 10:23

Comparte esta noticia

O 061 asistiu durante o fin de semana a 53 persoas en 42 accidentes de tráfico nas estradas galegas. O domingo foi o día no que se rexistraron máis sinistros, cun total de 20. Ademais, houbo dúas persoas mortas nas estradas do país, un motorista e un peón.

Segundo informa Urxencias Sanitarias de Galicia-061 nun comunicado, entre o venres e o domingo recibiu medio centenar de chamadas relativas a accidentes. Entre as 53 persoas, o 67% foron homes e o 33%, mulleres.

Por provincias, A Coruña foi a que rexistrou máis sinistros, con 15, durante os desprazamentos destas datas. O tramo de idade con máis feridos é entre os 35 e os 49 anos (un 31% do total).

Accidente de coche en Lugo. POLICÍA LOCAL DE LUGO
Accidente de coche en Lugo. POLICÍA LOCAL DE LUGO

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta