Por E.P. | Santiago de Compostela | 16/05/2023 | Actualizada ás 14:23
O alcalde e aspirante á reelección de Pontevedra polo BNG, Miguel Anxo Fernández Lores, presentou este martes o proxecto para a creación dun Centro de Interpretación Tecnolóxico da auga no muíño do río Gafos, de titularidade municipal. Así, funcionaría como un recurso didáctico a usar polo alumnado dos centros escolares do municipio, para achegarse ao mundo da auga e a súa importancia como ben natural.
Lores engadiu que este Centro de Interpretación tamén tería unha parte tecnolóxica que permitirá coñecer a tempo real o consumo da auga, a capacidade de almacenamento ou a calidade dos recursos naturais no municipio.
"Temos un proxecto avanzado, é o compromiso para este próximo mandato e daremos os pasos para convertelo nunha realidade", concluíu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.