Por Europa Press / Redacción | SANTIAGO DE COMPOSTELA | 16/05/2023 | Actualizada ás 16:03
María del Carmen e Manuel mantéñense como os nomes máis frecuentes en Galicia en 2022, segundo o último estudo do Instituto Nacional de Estatística (INE), publicado este martes. Entre os homes, despois de Manuel os máis comúns en Galicia son José e José Manuel. Ourense é a única provincia na que Antonio desbanca a José Manuel no terceiro posto. José Antonio, José Luís, Jesús, Pablo, David, Daniel ou Carlos son outros dos máis numerosos.
Pola súa banda, entre as mulleres, María del Carmen, María e Carmen ocupan o tres primeiros postos na comunidade galega. María Dores, María José, María Pilar, Ana María, María Teresa, Josefa e Lucía están tamén entre os primeiros postos.
Á hora de comprobar o cambio de tendencias de nomes en función da idade, chama a atención que Breo (con 27) é o que conta cunha menor idade media en España, con 3,5 anos. No outro extremo está Afrodisia, con 84,9 anos de media.
En España, os nomes máis frecuentes de home son: Antonio, Manuel, José, Francisco, David, Juan, Javier, Daniel, José Antonio e Francisco Javier. Os de muller son: María Carmen, María, Carmen, Ana María, Laura, María Pilar, María Dores, Isabel, Josefa e María Teresa.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.