O 'Bono Activa Comercio' mobiliza case un millón de euros en vendas nun día e medio de funcionamento
Nun comunicado, o Goberno galego explicou que entre o luns e a mañá deste martes realizáronse descontos por máis de 200.00 euros.
Por E.P. | SANTIAGO DE COMPOSTELA | 16/05/2023 | Actualizada ás 19:34
O programa do 'Bono Activa Comercio' posto en marcha pola Xunta mobilizou nun día e medio desde o seu lanzamento case un millón de euros en vendas. Nun comunicado, o Goberno galego explicou que entre o luns e a mañá deste martes realizáronse descontos por máis de 200.00 euros.
O número de establecementos adheridos é xa de 5.972, dos cales, 2.138 están na Coruña, 854 en Lugo, 914 en Ourense e 2.066 na provincia de Pontevedra. Os negocios teñen de prazo para sumarse ata o 1 de setembro. Os consumidores poden descargar os bonos de desconto de 30 euros para compras nestes establecementos na web 'www.bonosactivacomercio.gal'.
A terceira edición do programa 'Bono Activa Comercio' conta cun orzamento de 2,5 millóns de euros e permitirá mobilizar 8,5 millóns de euros en vendas para "dinamizar o sector" e "implicar á cidadanía no impulso ao comercio de proximidade".
