Atopan o corpo sen vida dun home no encoro da Rúa en Ourense
Por Europa Press / Redacción | SANTIAGO DE COMPOSTELA | 27/05/2023 | Actualizada ás 20:49
O corpo sen vida dun home foi atopado este sábado aboiando no encoro do municipio ourensán da Rúa, nas proximidades da depuradora.
Segundo informou o 112, tiveron coñecemento dos feitos a través dun particular, que contactou co Centro Integrado de Atención ás Emerxencias de Galicia, ao fío das 17,30 horas, para informar que se vía flotar o corpo dun home no encoro da parroquia da Rúa de Valdeorras.
Enseguida, desde o 112 Galicia pasouse o aviso aos Bombeiros e ao GES de Valdeorras, que mobilizou aos membros do Grupo Acuático ata o lugar dos feitos para efectuar a recuperación do corpo.
O operativo foi completado polos profesionais de Urxencias Sanitarias de Galicia-061, os axentes da Garda Civil e da Policía Local, ademais dos efectivos de Protección Civil da localidade. Os equipos de intervención seguen traballando no punto.
