Falece un home de 76 anos mentres esperaba para votar en Ourense

Un home de 76 anos faleceu este domingo mentres esperaba para votar nun colexio electoral de Ourense. En concreto, en Eiroas, segundo confirmou a Subdelegación do Goberno a Europa Press.

Ao parecer, o home comezou a sentirse indisposto mentres facía cola para participar nas eleccións municipais nunha mesa do CEIP Covadonga, en Eiroas. A pesar dos intentos por reanimalo, nada se puido facer por salvarlle a vida.

Debido a este suceso, o peche do colexio electoral atrasouse durante 50 minutos, que foi o tempo que estivo parada a votación.

Ambulancia nunha emerxencia no rural galego | Fonte: A. Chamadoira