O PP gaña nos Blancos, cuxo número 3 está condenado e os populares prometeron apartar

Foi condenado por un delito de violencia doméstica

Por E.P. | Santiago de Compostela | 28/05/2023 | Actualizada ás 23:33

Comparte esta noticia

O PPdeG logrou un total de seis edís nos Blancos, municipio ourensán no que subiu un edil fronte aos resultados de 2019, cando conseguiron cinco concelleiros. Desta maneira, co 100 por cen escrutado, segundo os datos provisionais do Ministerio do Interior, o PSOE, que tiña dous, perdeu un representante na corporación local.

Dáse a circunstancia de que o número tres da lista do PP nesta localidade, José Manuel Barreiro Jardón, aínda ten pendente unha pena accesoria tras ser condenado a 20 meses de prisión e tres anos de imposibilidade de achegarse a menos de 200 metros da súa vítima, o seu pai, por un delito de violencia doméstica.

Os populares ourensáns aseguraron, cando transcendeu a información por mor dunha denuncia do PSOE, que apartarían a esta persoa do goberno local, tras non lograr que pola súa propia vontade deixase a lista xa proclamada.

Ministerio do Interior lanza o logo oficial e a web informativa para as eleccións do 28M.. MINISTERIO DO INTERIOR
Ministerio do Interior lanza o logo oficial e a web informativa para as eleccións do 28M.. MINISTERIO DO INTERIOR

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta