A psicóloga coruñesa Adelaida Vidal gaña o IV Premio Fina Casalderrey de Literatura Infantil pola Igualdade
O premio consiste na edición da obra, neste caso "E que vai ser?", e 2.500 euros.
Por E.P. | Santiago de Compostela | 01/06/2023 | Actualizada ás 13:17
Adelaida Vidal, natural da Coruña, gañou con "E que vai ser?" o IV Premio Fina Casalderrey de Literatura Infantil pola Igualdade. Este galardón, convocado pola editorial Baía Edicións coa colaboración da Secretaría Xeral de Política Lingüística da Xunta, inclúe a edición da obra e unha dotación de 2.500 euros.
Segundo precisa a organización, dos 26 participantes desta convocatoria, o xurado valorou deste título de Vidal que se trata de "unha historia divertida, contada en verso, que posibilita o diálogo entre a familia e os seus descendentes nas primeiras idades".
Asi mismo destacou o uso "maxistral" da linguaxe inclusiva e o "hábil" emprego "da retranca" nunha obra que "fai reflexionar sobre os estereotipos de xénero que proxectamos nos bebés no momento da concepción".
