Armas, xoias e cocaína incautadas na `Operación Larimar´

A Garda Civil incautou, no marco da ​'Operación Larimar' desenvolvida entre Galicia e Cataluña, unha pistola de lume, xoias por valor de 100.000 euros, diñeiro en efectivo e 650 gramos de cocaína, entre outros obxectos. O operativo desenvolveuse na mañá do pasado mércores nas cidades galegas de Ourense e Pontevedra, así como en Barcelona.

Segundo informou o corpo policial nun comunicado, no marco desta operación contra delitos de roubo con violencia, os axentes detiveron a dez persoas como presuntos autores de dous roubos con violencia e intimidación, ocorridos o pasado 13 de marzo e 4 de maio. Así, detallou que a Unidade Orgánica da Garda Civil de Ourense iniciou a investigación o pasado 4 de maio, por mor dunha denuncia por roubo perpetrado nunha vivenda de Soutopenedo, no municipio ourensán de San Cibrao das Viñas.

Desta forma, a Garda Civil relatou que catro persoas encapuchadas, tras acceder ao interior da vivenda, ameazaron e amordazaron a dúas dos inquilinos e apoderáronse de xoias por valor de máis de 100.000 euros e de máis de 10.000 euros en efectivo.

Noutra ocasión, os ladróns, que circulaban nunha motocicleta de gran cilindrada, abordaron a unha señora que camiñaba pola beirarrúa e tras ameazala cunha pistola, tirárona ao chan e levaron o seu bolso no que gardaba a recadación dunha empresa, que ía depositar no banco. A vítima tivo que se trasladada en ambulancia a un centro sanitario con lesións graves na cara.