Por E.P. | SANTIAGO DE COMPOSTELA | 05/06/2023 | Actualizada ás 19:03
O 'Bono Enerxía Peme' destinado á mellora enerxética das instalacións de autónomos e pequenas e medianas empresas do sector servizos mantén aberto o seu prazo de solicitude ata o 29 de xuño. Así o lembrou este luns o director xeral de Planificación Enerxética e Recursos Nautrais, Pablo Fernández Vila, que visitou unha das empresas beneficiases do programa.
Esta convocatoria conta cun orzamento de 4,2 millóns de euros e ofrece apoios para a mellora da envolvente mediante elementos de control solar como toldos de cor branca ou negro; iluminación, coa renovación de equipos que utilicen tecnoloxía led; ou a eficiencia enerxética en instalacións eléctricas ou equipamentos. Ademais, este ano súmanse as axudas para o asesoramento enerxético.
Estas axudas de concorrencia non competitiva contan cunha intensidade do 80% do custo elegible da actuación. Con carácter xeral, a axuda máxima é de 6.000 euros por solicitude, segundo informou o Executivo galego nun comunicado. Ademais, os solicitantes poderán acceder a un anticipo de ata o 50% sen ter que presentar avais.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.