Detido un home mentres conducía en Ames cuadriplicando a taxa de alcol e co seu fillo de dous anos no colo
O condutor, de domicilio na Estrada, deberá responder penalmente nos Xulgados da localidade de Padrón.
Por E.P. | SANTIAGO DE COMPOSTELA | 07/06/2023 | Actualizada ás 15:24
Axentes da Garda Civil detiveron a un home que deu positivo na proba de alcoholemia tras ser interceptado e que levaba ao seu fillo menor, de 2 anos, no colo cando circulaba co seu vehículo.
Segundo informaron fontes deste corpo de seguridade, o subsector da agrupación coruñesa detectou a este home no concello de Ames, no marco dun control preventivo de alcol e drogas.
Os axentes descubriron a este pai co neno no colo no seu posto de condutor, sen elemento ningún de retención. Ao realizarlle as probas de alcoholemia, deu unha resultado de 1,01 e 1,02 mg/l de alcol en aire expirado, cuadriplicando a taxa máxima permitida para exercer a condución. Por este motivo, foi investigado como posible autor dun delito contra a seguridade viaria.
O condutor, de domicilio na Estrada, deberá responder penalmente nos Xulgados da localidade de Padrón. Enfróntase a penas de tres a seis meses de prisión e privación do dereito a conducir vehículos a motor e ciclomotores entre un e seis anos.
