Por Xurxo Salgado | Compostela | 19/03/2015 | Actualizada ás 15:04
“Hai unha tranquilidade absoluta da Xunta cos contratos que temos con esa –Monbús-- e outras empresas”, dixo o presidente galego, Alberto Núñez Feijóo, ao ser preguntado pola detención, este xoves, do empresario e presidente de Monbús e do Obradoiro, Raúl López, por delitos contra a facenda pública, branqueo de capitais, falsidade, delito contable, tráfico de influencias e suborno.
Así, manifestou que non ten ningunha información ao respecto, “ni tampouco lle corresponde” tela e amosouse moi tranquilo dos contratos que o seu goberno poida ter con esta empresa de transportes porque, dixo, están fiscalizados pola Asesoría Xurídica.
Tamén se lle preguntou a Feijóo sobre as reunión oficiais mantivo co empresario lucense desde que é presidente e cal foi o seu contido. “Non podo dicilo con exactitude porque igual me equivoco. Pero eu penso que non tiven ningunha, igual una. Non sei, ignóroo", suliñou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.