Por Galicia Confidencial | A Coruña | 10/05/2015 | Actualizada ás 16:43
Os axentes da Policía Local, que depende do Concello, identificaron ao candidato nacionalista, Xosé Manuel Carril, por colocar un folio co nome “Fonte de Santo André” debaixo da placa da rúa nomeada “General Mola”, en recordo ao militar fascista."O General Mola non nos mola, senón que nos amola”, chanceou Carril antes da chegada dos axentes da policía.
O BNG anunciara previamente que "hoxe imos trocar os nomes das rúas que honran franquistas" e reinvidicara "tolerancia cero co franquismo". Militantes da fronte acudiron a convocatoria portando folios con estas reivindicacións.
Na Coruña a polémica polos símbolos da dictadura ven de vello. Malia as contínuas denuncias de sectores sociais e políticos da esquerda local, os nomes das rúas sobreviron tanto os gobernos de Paco Vázquez (PSOE), como o bipartito (PSOE e BNG), como agora con maioría do PPdeG.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.